Description for the request
Հարգելի տիկին Ասատրյան,
Համաձայն ՀՀՊԵԿ-ՀԲՄԽԾՁԲ-24/3 ծածկագրով ընթացակարգի հրատապ բաց մրցույթի մասին հայտարարության 2.4 կետի «ԱՇԽԱՏԱՆՔԱՅԻՆ ՌԵՍՈՒՐՍՆԵՐ» չափանիշի (ա) մասի՝ պահանջվում է, որպեսզի մասնակցի ներկայացված անձնակազմի 8՝ այդ թվում տեխնիկական, մասնագետները ունենան ռուսաց լեզվի իմացությունը հաստատող փաստաթուղթ (ռուսաց լեզվով ստացված կրթությունը հավաստող փաստաթղթեր և/կամ հավատարմագրված ուսումնական կենտրոնների կողմից տրված ռուսաց լեզվի որակավորման հավաստագրեր)։
Խնդրում ենք պարզաբանել ռուսաց լեզվի իմացությունը հաստատող փաստաթղթի առկայությունը որպես մրցույթի պահանջ դնելու անհրաժեշտությունը, քանի որ այն հակասում է ՀՀ Գնումների մասին օրենի 6-րդ հոդվածի 4-րդ մասի 2 կետի պայմաններին՝ հանդիսանալով խտրական և չի կարող ապահովել հավասար պայմաններ սույն ընթացակարգի բոլոր մասնակիցների համար։
Հայաստանում և տարբեր երկրներում (ներառյալ ԵԱՏՄ) իրականացված նախագծերի մեր փորձը ցույց է տալիս, որ երբևէ լեզվի իմացությունը հաստատող փաստաթղթի պահանջ չի ներկայացվել, ինչը չի խանգարել ունենալ բազմաթիվ հաջողված նախագծեր ռուսալեզու պատվիրատուների հետ։ Իսկ տվյալ մրցույթի պատվիրատուն ՀՀ ՊԵԿ-ն է։
Այդ իսկ պատճառով, առաջարկում ենք հանել սույն պահանջը ՀՀՊԵԿ-ՀԲՄԽԾՁԲ-24/3 ծածկագրով ընթացակարգի հայտարարության միջից և երկարաձգել մրցույթի հայտերի ներկայացման ժամկետը։
Հարգանքով՝
ԱյՅունեթվորքս ՍՊԸ Փոխտնօրեն՝
Օֆելյա Ավագյան
- Attachment for the request:
- Գրություն—ՊԵԿ.pdf
Clarification
Հարգելի մասնակից, նախագծով սահմանված պայմանների համար հիմք հանդիսացած հիմնական իրավական փաստաթղթերը հաստատված են ԵԱՏՄ-ի կողմից (մոտ 2300 էջ), հետևաբար Համակարգի նախագծման ընթացքում անհրաժեշտ է իրականացնել դրանց ամբողջական վերլուծություն։ Ռուսերենով են սահմանված նաև ներդրվող Համակարգի նախագծման հիմք հանդիսացող տեխնիկական փաստաթղթերը, որոնցով սահմանված են տվյալների ձևաչափը և կառուցվածքը։
Միևնույն ժամանակ Համակարգի ներդրման ընթացքում Կատարողի կողմից պետք է իրականացվեն թեստավորման աշխատանքներ ԵԱՏՄ հանձնաժողովի տեխնիկական ստորաբաժանումների և ԵԱՏՄ անդամ պետությունների հետ, որտեղ շփման լեզուն ռուսերենն է։ Կատարողի կողմից նախագծման և թեսթավորման են ենթակա շուրջ 300 էլեկտրոնային հաղորդագրություններ, որոնց նկարագրերը և փոխանակման կարգը նույնպես ռուսերենով է։
Ռուսաց լեզվի իմացության պահանջը վերաբերում է միայն նախագծում առաջատար դերակատարում ունեցող աշխատակիցներին, մասնավորապես.
Նախագծի ղեկավարի (PM) գործառույթներից են աշխատանքային ձևաչափով հաղորդակցությունը, տեսազանգերին մասնակցությունը, պաշտոնական նամակագրությունների վարումը, որոնք լինելու են ռուսերենով, ուստի տվյալ աշխատակիցը պետք է պատշաճ կերպով տիրապետի լեզվին։
Առնվազն 7 տարվա աշխատանքային փորձ ունեցող ծրագրավորողը նույնպես պետք է տիրապետի ռուսաց լեզվին, քանի որ Համակարգի տվյալների կառուցվածքը և ձևաչափերը, ինչպես նաև փոխանակվող էլեկտրոնային հաղորդագրությունների նկարագրությունները ռուսերեն են։ Միության միասնական ինտեգրացիոն տեղեկատվական համակարգի փաստաթղթավորումը և տեխնիկական սպասարկումը ԵԱՏՄ Կապալառուի կողմից նույնպես իրականացվում է ռուսերենով, որոնց հետ պետք է ապահովել անհրաժեշտ մակարդակով տեխնիկական համագործակցություն։
Միաժամանակ խնդրում ենք հաշվի առնել, որ համաձայն հրավերի 2.4 կետի «ԱՇԽԱՏԱՆՔԱՅԻՆ ՌԵՍՈՒՐՍՆԵՐ» չափանիշի՝ մասնակցի ներկայացրած աշխատակազմում պետք է ներգրավված լինի առնվազն 13 (տասներեք) հոգուց բաղկացած ՏՏ ոլորտի ծրագրային ապահովումների նախագծման և մշակման անձնակազմ։ Աշխատակիցների քանակի և նրանց աշխատանքային փորձի վերաբերյալ պահանջները ներկայացված են Հրավերի աղյուսակի 4-րդ և 5-րդ սյունակներում։
- Attachment for the request: