Description for the request
Գնահատող հանձնաժողովի հարգելի անդամներ, ՊԵԿ-ԲՄԾՁԲ-26/1 ծածկագրով գնման ընթացակարգի փաստաթղթերի ուսումնասիրությամբ պարզվել է, որ առկա է անհամապատասխանություն հայերեն և ռուսերեն լեզուներով հրապարակված հրավերների տեքստերում, մասնավորապես, ռուսերեն տեքստում գնման առարկան նկարագրված է միայն սարքավորման տեխնիկական սպասարկում, այնինչ հայերեն տարբերակում ավելացված է նաև վերանորոգումը։ Հաշվի առնելով վերոգրյալը՝ խնդրում եմ պարզաբանել անհամապատասխանությունը վրիպակի արդյունք է, թե սարքավորումն ունի նաև վերանորոգման կարիք։ Ընդ որում, եթե առկա է վերանորոգման անհրաժեշտություն, ուստի խնդրում եմ հրավերին կից ներկայացնել նաև տեղեկատվություն՝ անսարքության վերաբերյալ կամ թերությունների ակտ կամ այլ փաստաթուղթ, որը հնարավորություն կտա պատկերացնել անսարքության բովանդակությունը և դրա վերանորոգման արժեքը։
- Attachment for the request:
Clarification
Ըստ ՀՀ կառավարության «Գնումների գործընթացի կազմակերպման կարգը հաստատելու և ՀՀ կառավարության 2011թ-ի փետրվարի 10-ի թիվ 168 որոշումն ուժը կորցրած ճանաչելու մասին» 2017թ-ի մայիսի 4-ի թիվ 526 որոշման 34-րդ կետի 1-ին ենթակետի`
1) գնումների մասին հայտարարության և հրավերի կամ նախաորակավորման մասին հայտարարության տեքստերը Հայաստանի Հանրապետության ֆինանսների նախարարի սահմանած կարգով հրապարակում է տեղեկագրում: Ընդ որում հայտարարության և հրավերի տեքստերը, ինչպես նաև գնահատող հանձնաժողովի նիստերի արձանագրությունները, պայմանագիր կնքելու, կնքված պայմանագրի և ընթացակարգը չկայացած հայտարարելու մասին հայտարարությունները հրապարակվում են նաև ռուսերեն լեզվով: Ռուսերեն լեզվով հրապարակված նյութերի տարաբնույթ (երկակի) մեկնաբանման հնարավորության դեպքում հիմք է ընդունվում հայերեն տեքստը.
Հայերեն տեքստով սարքավորման տեխնիկական բնութագրում նշված է Կանխարգելիչ տեխնիկական ստուգումներ, սպասարկում, սարքավորման խափանման դեպքում իրականացվող վերանորոգումներ,
Կատարողի կողմից մատուցվող ծառայության գրավոր մեկնաբանում Պատվիրատուին՝ իրականացվող ծառայությունների անհրաժեշտության և պատճառա-հետևանքային կապի վերաբերյալ:
Ծառայությունը ձեռք է բերվում որպես մեկ ընդհանուր ամբողջականություն՝ կանխարգելիչ տեխնիկական ստուգումներ, սպասարկում, սարքավորման խափանման դեպքում իրականացվող վերանորոգումներ (պահեստամասերի և նյութերի ներառմամբ) պայմանագրով ֆիքսված առավելագույն գնի պայմաններում:
Սպասարկման ժամանակահատվածում հնարավոր են նաև սարքավորման անսարքությունների արձանագրում, տարբեր բարդությունների խնդիրներ, որոնց լուծումը Կատարողի խնդիրն է, նրա ռիսկի գործոնը: Անսարքությունների վերացման համար սահմանված են ժամկետներ:
Մրցույթի մասնակիցը իրավունք ունի ծանոթանալու սարքավորման տեխնիկական վիճակի հետ մինչև մրցույթի ժամկետի ավարտը:
Սարքավորումը գտնվում է ՀՀ, Շիրակի մարզ, Աշոցք համայնք, գ․Բավրա Գյումրի-Նինոծմինդա մայրուղի 63/4 հասցեում:
- Attachment for the request:
- Hraveri_ parzabanman_hajtararutyun_1.doc